Trwa zofisye lapolis i kondann 5-an prizon pour lofans konplo pour komet vol, kas batiman e vole |10 March 2023

Trwa (3) zofisye lapolis ‒ Archille Agathine aze 28-an ki reste Anse Etoile, Julius Zialor aze 24-an sorti St Louis ek Jean Paul Marie aze 20-an sorti Le Niole ‒ in kondannen apre ki zot in ganny trouve koupab pour lofans konplo pour komet vol osi byen ki pour lofans kas batiman e vole.

Pour konplote tou le 3 akize in ganny en santans 3-an prizon tandis ki pour kas batiman zot in sakenn ganny en term 5-an. Ziz ki ti pe ekout sa ka in ordonnen ki zot santans i mars ansanm ki vedir zot total santans i 5-an prizon.

Sa 3 zofisye lapolis ki ti komet sa bann lofans pandan lannwit le 9 ek granmaten le 10 Zanvye 2021 dan distrik Anse Etoile, in osi ganny sa 6 mwan ki zot in pase lo rimann dedwir lo sa term 5-an.

Kominike sorti kot departman lapolis