Santener Theresia Felix-Sylvain i mor |06 September 2023
Madanm Felix-Sylvain
Zournal Seychelles NATION in aprann lanmor enn parmi bann santener dan pei, Madanm Theresia Felix-Sylvain ki’n arive yer granmaten kot son rezidans La Misère.
Madanm Felix-Sylvain ti pe al selebre son 102zyenm lanniverser le 20 Oktob. Nou zournal ti fer son konenans lannen pase letan i ti selebre son 101-an an konpani fanmiy e zanmi ensi ki reprezantan gouvernman lokal.
Sa santener, mye koni konman Dada, i kit deryer son de fiy – Marie-Ange Sylvain ek Elisa Philo – e douz pti zanfan, ensi ki plizyer aryer pti zanfan.
Madanm Felix-Sylvain i parmi trwa manm son fanmiy ki’n arive selebre 100-an e plis. Toulede, son manman ek granmanman ti osi viv lontan – 105-an ek 107-an respektivman.
Seychelles NATION i prezant senser kondoleans avek lafanmiy Madanm Felix-Sylvain dan sa moman dey.
Patsy Canaya