LWMA i kondann aktivite vandalizm lo son bann bin |13 May 2025
LWMA i kondann aktivite vandalizm lo son bann bin
Lotorite Distrik Anse Aux Pins pe lans en lapel avek son zabitan e osi lezot dimoun ki konnen lekel ki pe vandaliz son bann bin salte dan sa distrik pour pran kontak avek zot, lapolis ou lazans zesyon salte ek lanbelisman (LWMA) pour ki aksyon neseser i ganny pran avek sa ki responsab.
Sa lapel fer par administrater distrik Anse Aux Pins, Nigel Payet, yer bomaten i vin swivan plizyer ka vandalizm resaman lo bann bin salte enkli en lensidan boner sa mwan kot senk bin nef lo Ile Soleil ti ganny brile.
Dapre Msye Payet, lanket par lazans servis tenny dife ek sovtaz i endike ki sa bann bin ti’n ganny brile par ekspre e ki sa ti’n kapab vin pli grav prenan kont landrwa kot sa lensidan in arive. I annan en kantite pye sed dan zalantour ek en pti stasyon elektrisite avek en kapasite 33 kilowat ki pour Korporasyon Litilite Servis Piblik (PUC), i azoute.
“Si lazans tenny dife ek sovtaz pa ti’n ariv atan pour met sa dife anba kontrol e anpes li propaze, ou ti kapab mazinen ki lenpak sa ti pou annan lo Ile Soleil,” Msye Payet ti dir.
To continue reading, please click here to subscribe to Seychelles NATION’s e copy