Reuben Lespoir i lans de nouvo liv Kreol pour zanfan |20 May 2025
Msye Lespoir pe siny kopi son liv
Reuben Lespoir i lans de nouvo liv Kreol pour zanfan
Par Anika Cathene
‘Redi Rober’ ek ‘Tyake Tomas’ i senkyenm ek sizyenm liv anba ‘Lavantir bann let alfabet’ ki en seri piblikasyon par ekriven lokal Reuben Lespoir. Sa de liv ti ganny lanse Mardi pase kot Bibliotek Nasyonal pandan en pti seremoni.
Sa lansman in ganny fer atraver sipor fon nasyonal pou lar ek kiltir anba Lenstiti Sesel pour kiltir, leritaz ek lar. Reuben Lespoir i en ekriven, poet, ki annan en pasyon pour ekrir an Kreol. Aze 43-an, i en zabitan Les Mamelles kot i tir bokou son lenspirasyon atraver bann veki ek bann sitiasyon lavi ase difisil.
‘Lavantir bann let Alfabet’ i en koleksyon 20 liv lo sa 20 son let alfabet Kreol. Msye Lespoir i dir ki sa seri liv i target bann zanfan dan lakres ziska primer sis e i servi konman bann zouti pour lektir.
To continue reading, please click here to subscribe to Seychelles NATION’s e copy