Follow us on:

Facebook Twitter LinkedIn YouTube

Domestic

Kominike lapolis |26 July 2025

Jean-Yves Reginald i kondannen pour andomaz propriyete 

 

Lakour Mazistra in kondann Jean-Yves Reginald, aze 26-an sorti Mont Fleuri, dan 2 ka. Sa i pour lofans andomaz propriyete, ki i ti komet le 4 Oktob 2024 dan distrik Mont Fleuri ek Perseverance.

Mazistra in kondann Reginald 6 mwan prizon dan premye ka, avek en lanmann 6 mil roupi, kot 3 mil 70 roupi ladan pou al konman konpansasyon pour sa viktim. In osi ordonnen ki son term prizon i sispann pour en peryod 2-an. Si i komet okenn lofans parey, son term prizon pou vin aktiv.

Dan dezyenm ka Reginald in kondann 4 mwan prizon, avek en lanmann 7 mil roupi, kot ladan en sonm 3 mil roupi pou al konman konpansasyon pour sa viktim.  Dan sa ka osi son term in sispann. Par kont si i komet okenn lofans parey, son term prizon pou vin aktiv.

Reginald ti komet sa lofans andeor stasyon lapolis Mont Fleuri, swivan en komosyon, ek Perseverance kot lakour enn son fanmiy, kot dan tou le 2 ka, i ti andomaz vit transpor sa 2 konplenan.

 

****** 

 

Christopher Benoiton i kondannen pour trafik drog

 

Christopher Benoiton, aze 45-an, in kondann pour 2 ka devan Lakour Mazistra. Sa i pour lofans trafik en drog kontrole, e an posesyon en drog kontrole.

Dan premye ka, Benoiton in kondann 9 mwan prizon, e dan dezyenm ka in kondann 2 mwan prizon. Mazistra in ordonnen ki son term prizon i mars ansanm, savedir i pou fer 9 mwan prizon, e i pou ganny remisyon lo son santans.

 

******

 

Harison Henriette i kondannen pour lofans posesyon drog

 

Lakour Mazistra in kondann Harison Henriette, aze 21-an sorti Port Glaud, dan 2 ka. Sa i pour lofans an posesyon en drog kontrole e an posesyon en drog kontrole avek lentansyon pour trafike. Dan premye ka, Henriette in kondann 4-an prizon avek en lanmann 25 mil roupi, ki i pou bezwen peye avan le 31 Oktob 2025. Si i pa peye i pou deservi en term 6 mwan prizon. Mazistra in ordonnen ki son term prizon i sispann pour en peryod 2-an. In osi ganny averti ki si i komet okenn lofans parey pandan sa letan, son term prizon pou vin aktiv.

Dan dezyenm ka, Henriette in kondann 6 mwan prizon, ki’n sispann pour en peryod 2-an, avek en lanmann 5 mil roupi, ki i bezwen peye pa plitar ki le 1 Desanm 2025.

 

******

 

Lapolis i aret trwa zonm lo Praslin konman sispe dan plizyer ka 

 

Trwa zonm aze 20-an, 21-an ek 27-an sorti Amitié, Praslin ki ti’n ganny arete yer granmaten anrezilta en lensidan lo Praslin, ti pas devan Lakour Mazistra Praslin, kot zot in ganny large san okenn kondisyon. Zot ekspekte ganny sarze plitar.

Sa 3 zonm i sispe pour lofans andomaz propriyete, menas an servan vyolans, enterfer avek louvraz lapolis, an posesyon zouti ofansiv ek trespas kriminel. Sa lensidan ti ganny raporte avek lapolis yer, le 25 Zilyet 2025 ver 1er 05 bomaten.

 

 

 

More news