Kominike Lapolis |20 October 2025
Kominike Lapolis
De aksidan fatal pandan wikenn
I’n annan ankor de aksidan larout separe pandan wikenn kot de zonm in mor.
Premye ka ti ariv Port Glaud Sanmdi tar apremidi e viktim ti en zonm 36-an avek nasyonalite Endyen. En zenn-onm 21-an sorti Port Glaud in ganny arete e pe ganny detenir an koneksyon avek sa aksidan.
Dapre rapor inisyal ki lapolis in ranmase, sa transpor ti pe fer direksyon lavil letan i ti tap sa viktim ki ti obor semen, pa lwen avek kot i ti pe reste.
Dan en lot lensidan yer apremidi, en lot zonm ti mor swivan en aksidan dan plato Anse Royale, zis akote stasyon lazans servis tenny dife ek sovtaz
Le de ka i fer 11enm e 12enm ka respektivman ki lapoli in anrezistre pour sa lannen.
*******
En zonm i ganny brile abor en bato
En zonm 38-an sorti Sans Soucis in admit dan younit swen entansif, Lopital Sesel dan en leta kritik. Sa i anrezilta en lensidan dife abor en bato dan lanmer Beau Vallon yer apremidi.
Lapolis in konmans en lanket sa ka.