Louvertir Ofisyel 41enm Edisyon Festival Kreol |24 October 2026
En gran lafet kiltirel anba tenm ‘Nou’
Sant Konferans Enternasyonal Sesel (ICCS) ti ranpli avek lazwa ek lenerzi kiltirel pour louvertir ofisyel 41enm edisyon Festival Kreol, en levennman istorik ki pe koensid avek selebrasyon 50-an Lendepandans Sesel. Sa gran sware ti rasanble plizyer digniter ek envite distenge, enkli Vis-Prezidan Larepiblik Sesel, Msye Sébastien Pillay ek son madanm Lina Pillay; Minis pour Lar ek Kiltir Moris Mahendra Gondeea; Komisyoner Kiltir Rodrig; bann minis; manm komite lorganizasyon; artis ek bann partener.
Pour ouver sa gran lafet, en omaz mizikal spesyal ti ganny dedye a plizyer gran artis Seselwa ki'n kit nou. Sa louvraz mizikal ti selebre zot leritaz ek zot kontribisyon dirab dan patrimwann kiltirel Sesel, avek en performans tousan zot bann sanson enterprete par lakoral Twinkle Little Star.
Sa ti swiv par en montaz video lo gran lekran ki ti retras semen ek levolisyon kiltir, leritaz ek lidantite kreol Seselwa atraver bann lannen, depi nou bann rasin ansestral ziska nou fason viv kontanporen.
Enn bann moman santral sa lasware ti lentervansyon Minis pour Tourizm ek Kiltir, Madanm Amanda Bernstein, ki ti prezante atraver en poenm vibran swivi par son diskour lovertir.
To continue reading, please click here to subscribe to Seychelles NATION’s e copy