Lapolis pe rod Bernard Danny Cadeau |18 March 2023
Bernard Danny Cadeau
Lapolis pe demann Bernard Danny Cadeau, aze 40-an avek dernyen ladres distrik Les Mamelles, pour raport kot stasyon lapolis pli pros lo Mahé, Praslin oubyen La Digue.
Danny Cadeau trouve dan sa portre i ganny bezwen par lapolis an konneksyon avek en lanket ki pe fer par Younit Krim Organize. Nenport dimoun ki vwar oubyen konnen kote Danny Cadeau i ete, zot ganny demande pour kontakte lapolis lo nimero 4288000 oubyen lo laliny telefonn 133 irzan.
****
En zonm i ganny sarze pour 3 ka vol
En zonm aze 22-an sorti Pointe Larue in formelman ganny sarze devan Lakour Mazistra dan 3 ka vol ki’n arive pandan mwan Mars 2023 dan rezyon Pointe Larue ek Anse Aux Pins.
Mazistra in enpoz serten kondisyon lo sa aprezan akize, parmi i en kosyon larzan 15 mil roupi ki i pa’n kapab peye ki fer in ganny rimann prizon Montagne Posée ziska le 31 Mars 2023 zour ki i ekspekte repas an kour.
Kominike sorti kot departman lapolis