Lapolis i fer lanket dan lanmor en zonm 35-an, swivan en bagar de zour avan |02 December 2023
En zenn-onm 22-an sorti Lodge Street in ganny arete e pas devan lakour yer bomaten kot in apre ganny garde an detansyon lapolis pour 14 zour.
Sa i anrezilta en lanket ki lapolis in konmanse dan en ka bagar ki ti arive Lendi le 27 Novanm 2023, dan lavil.
Anrezilta sa bagar, en zonm 35-an, sorti dan distrik Ile Perseverance, ti resevwar serten dimal. I ti ganny transporte lopital pour swen medikal kot apre Merkredi le 29 Novanm 2023, i ti mor Lopital Sesel.
Lapolis pe ansemoman esper rapor rezilta letopsi pour determin vre lakoz e sirkonstans otour lanmor sa zonm.
Kominike lapolis