Lazournen Enternasyonal bann Madanm |10 March 2025
Komisyoner Barbe
Komisyoner Barbe i salye bann fanm dan lafors lapolis
“Pour tou bann zofisye Lapolis madanm ek bann madanm sivilyen ki travay dan lafors lapolis Sesel.
Konman Komisyoner Lapolis, les mon pran en pti moman a lokazyon lafet bann madanm pour remersi zot pour travay nob ki zot pe fer tou lezour pour lakominote ek nou zoli pti pei Sesel. Mon rekonnet zot lafors, kapasite, ek kontribisyon enportan dan nou parkour pour transform lafors lapolis ver le meyer. Lafors i apresye bokou zot sakrifis, e zot devouman. I pa toultan fasil, me akoz zot lanmour ek devosyon anver sa louvraz, ansanm nou kapab bouz devan.
“Lo lapar manm egzekitiv, tou zonm dan lafors, e lo mon non personnel nou dir zot bonn fet.”
Ted Barbe
Komisyoner Lapolis