Kominike Lapolis   |28 March 2025

Kevin Zelia i kondannen pour lofans drog

Kevin Zelia, aze 41-an, in kondannen devan Lakour Mazistra dan 2 ka pour lofans an posesyon en drog kontrole. 

Mazistra in kondann Zelia en term 2-an prizon avek en lanmann 12 mil roupi. In ordonnen ki son santans prizon i sispann pour en peryod 4-an. 

******

Nico Hertel i ganny sarze pour lenportasyon en drog kontrole

Nico Terry Hertel, aze 33-an sorti La Gogue, in formelman ganny sarze devan Lakour Siprenm yer bomaten dan en ka lenportasyon en drog kontrole.

Sa i dan ka kot 168 pake, ki ti kontenir kanabis, ti ganny sezi dan sit transpor dan en ‘container’ le 14 Mars 2025. Dan sa menm ka, sa 2 lezot sispe zonm in ganny large.

Ziz ki ti pe ekout sa ka in rimann Hertel Prizon Montagne Posée.