En lager agresiv kont lera in deklare |17 May 2025
En lager agresiv kont lera in deklare
En kanpanny entansif pour detri lera dan Victoria in konmanse. Sa pe kordinen par Lotorite Lasante Piblik an kolaborasyon avek biro Mer Lavil, Lazans Zesyon Salte ek Lanbelisman (LWMA), departman lagrikiltir, Pest Control Association Seychelles ek PESTEA.
Lanons ofisyel ti fer tar Zedi apremidi pandan en konferans lapres kot biro Mer Lavil.
Bann volonter ki ti diviz dan sis group, ti pas partou dan tou pti kwen Victoria, ensi ki dan zanmerant Bois de Rose, semen Castor (English River), ziska kot lekol Belonie segonder pour met pwazon. Sa kanpanny pour touy lera pou al ant trwa a sis semenn kot pwazon pou ganny mete tou le Zedi dan bann landwra ki’n idantifye konman landrwa pli frekante par sa bann vermin.
Dapre Mer Lavil par enterim, Lydia Charlie, lenfestasyon lera dan Victoria i vreman enkyetan. “Biro Mer Lavil avek Lotorite Lasante Piblik avek bann lezot lazans parey LWMA ek lezot partener, nou’n deza annan bann rankont e aksyon ki nou’n fer avan sa. La i annan en gran konsern lo lenfestasyon lera dan lavil e konman en pti lavil nou vreman konsernen avek lasante, lapropte ki devret annan, avek nivo lizyenn dan lavil. »
« Se pour sa ki nou’n dir ki nou pou bezwen anbark lo kanpanny ase agresiv pour nou kapab konbat sa lenfestasyon lera ki annan partou dan lavil,” Madanm Charlie ti dir.
To continue reading, please click here to subscribe to Seychelles NATION’s e copy