Lekol primer Grand Anse Praslin i rekonnet bann manman |19 May 2025
Lekol primer Grand Anse Praslin i rekonnet bann manman
Par Mandy Bertin
En seri aktivite byen enteresan ti ganny organize kot lekol primer Grand Anse Praslin Vandredi pase avek bi pour onor bann manman ki fek selebre zot lafet Dimans. ‘Anmenn ou manman kot lekol’ ti tenm sa aktivite ki ti vwar partisipasyon bokou bann manman ki ti’n vin an gran nonm.
Tou ti konmans avek en lasanble spesyal dan lakour lekol kot ti annan en moman refleksyon, resital poenm par bann ansennyan, sanson lo manman par bann manman zot menm. Pandan sa lasanble, lakres Anse Kerlan ti osi rekonnet zefor ek devosyon bann manman ki touzour pare pour ede e ki touzour pare pour fer sa pti bout anplis.
Dan son ladres pour akey bann manman, direktris sa lekol, Lina Lesperance, ti dir ki zot vizyon se pour fer lekol vin pli pre avek lakominote. “Nou anvi ki bann paran i kontinyen vini pour anmenn sipor pour nou lekol,” i ti azoute.
To continue reading, please click here to subscribe to Seychelles NATION’s e copy