En bazar spesyal lo Praslin pour selebre Lafet Lendepandans |01 July 2025
En bazar spesyal lo Praslin pour selebre Lafet Lendepandans
Par Mandy Bertin
Grand Anse Praslin ti’n vin pli koloran e vibran Sanmdi, pa zis avek nou paviyon nasyonal ki ti’n ganny mete partou me osi avek sa varyete prodwi ki ti anvant ensi ki lakantite dimoun ki ti’n desann pour vin partisip dan en bazar spesyal.
Sa gran lafwar e bazar agrikol ti’n ganny organize a lokazyon Lafet Lendepandans, e sa ti fer an kolaborasyon avek Zilwa Reggae Bar ki sitiye vizavi kot sa aktivite ti pe deroule.
Ti annan en divers kalite prodwi tel ki legim ek fri. Lo latab kot Msye Pearson Nibourette, en fermye byen koni lo Praslin, sa bann pye bred ti sitan ver ki ti demann zis aste en pake, mont lakaz e fer en bon bouyon. E ki pli bon ki sa, bann peser ti pe vann bann zoli pake pwason tel ki kordonnyen. Sa ki ti pe mazin fer en satini, bann fermye ti pe vann zironmon, papay ek brenze.
To continue reading, please click here to subscribe to Seychelles NATION’s e copy