Kominike Lapolis |18 August 2025
En zonm aze i mor dan en dife lakaz Salazie, Praslin
Lapolis in konmans en lanket detaye pour etablir sirkonstans otour en lensidan trazik, kot en zonm 72-an sorti Salazie, Praslin, ti konpletman ganny brile dan en dife lakaz Vandredi apremidi dan sa menm landrwa.
Dapre rapor inisyal ki lapolis in ranmase, o moman sa lensidan sa defen ti tousel kot lakaz. Bann endividi ki ti’n vin asiste pour esey retir li pa ti kapab akoz lakaz ti konpletman an flanm.
Lapolis ti ganny alerte lo sa lensidan ver 2er 10 apremidi pour lasistans.
Departman Lapolis i senpatiz avek manm fanmiy sa defen pandan sa moman difisil.