Kominike Lapolis |10 November 2025
En zonm I prezimen noye Pointe Au Sel
En zonm 39an sorti Point Au Sel, Au Cap, in prezimen noye dan lanmer Point Au Sel Sanmdi swar.
Dapre rapor inisyal ki lapolis in ranmase, sa zonm ki ti avek detrwa lezot koleg tin al dan delo sale. A en moman donnen son bann koleg pann vwar li remont lo sirfas, e apre apersevwar li pe flote dan lanmer. Zofisye Lapolis ki tin reponn lapel pour lasistans ti administre premye swen dirzans sirplas, avan ki sa viktim ti ganny transporte kot lopital Anse Royale pour swen medikal entansif.
Lapolis ti ganny alerte lo sa lensidan ver 6er 50 diswar pour lasistans. En lanket in komanse dan sa ka pour etablir sirkonstans otour son lanmor antretan ki zot esper rapor letopsi.