Kominike Lapolis |11 November 2025

Kominike Lapolis

En zonm i kondannen pour labi seksyel

En zonm 29-an sorti dan les Mahé, in kondann 8-an prizon dan en ka labi seksyel lo en miner.

Sa kondannen ti komet sa lofans pandan lannen 2023, dan rezyon les Mahé kot i ti seksyelman abiz en fiy ki ti aze 13-an a sa letan. Ziz ki ti pe ekout sa ka in pran plizyer konsiderasyon avan pas santans lo sa kondannen, tel ki i ti’n pled koupab a son premye lenstan ki i ti’n ganny loportinite e alor pa gaspir letan lakour.

******

Trwa zonm i ganny detenir konman sispe dan plizyer ka

Trwa zonm i lo rimann pour 14 zour. Sa i en zonm aze 50-an ki deza en kondannen, en lot 49-an sorti Les Canelles e enn 35-an sorti Maldives.

Zot sispe dan serten ka ki lapolis pe fer lanket ladan pour bann lofans relye avek trafik imen, konplo pour enport en drog kontrole ek blansisaz larzan.