Kominike Lapolis |01 December 2025
Lanket i konmanse dan en lensidan anvil Dimans granmaten
20 dimoun ti ganny transporte Lopital Sesel Dimans granmaten pour swen medikal, e plitar ganny large.
Sa ti an rezilta en lensidan English River, dan zanmerant kot en konser mizikal ti pe deroule, kot serten endividi ti’n aparaman ganny afekte avek en keksoz ki ti’n ganny large dan ler.
Lapolis ti ganny alerte lo sa lensidan ver minwi senkant (00:50) bomaten pour lasistans, e lapolis pe demann okenn endividi ki annan lenformasyon kredib lo sa lensidan pour rantre an kontak avek seksyon CID Santral imedyatman lo nimero 4288055, ou atraver bann platform lapolis lo rezo sosyal ou laliny anonim 133.
Tou lenformasyon ki resevwar pou ganny trete avek konfidansyalite.