En vizit spesyal pour santener Evangeline Joubert |17 January 2026
Madanm Herminie dan en portre souvenir avek sa santener
Madanm Evangeline Joubert, ki fek selebre son laniverser Mardi pase, ti resevwar en vizit sorti kot Madanm Prezidan Larepiblik, Veronique Herminie, ki osi tyermenn Wosita Foundation, yer bomaten.
Sa santener ti selebre son 103-enm laniverser Mardi le 6 Zanvye, dan en seremoni ki ti fer Fond Ferdinand.
I ti eksprim son lakontantman ki Madanm Prezidan in kapab ariv kot li.
Madanm Herminie ti prezant li avek en gro pannyen ranpli avek bann keksoz nitritif ladan, ki a ed sa santener pour kontinyen reste an bonn sante. I ti osi profite pour asize e konn en pti pe lo lavi Madanm Joubert.
Sa santener i reste anler Salazie dan sou distrik Côte d’Or. I en madanm ki annan en bon memwar, ki ti evidan par lefe ki in kapab rakont Madanm Herminie bokou keksoz ki’n pase depi son lanfans e osi byen ki bann louvraz ki in fer.
I’n menm koz lo kimannyer bor lanmer Côte d’Or ti ete lepok lontan ler i ti ankor zenn, lanmor son manman, osi byen ki son pastan e sa se koud.
To continue reading, please click here to subscribe to Seychelles NATION’s e copy