Sesel i ganny en nouvo santener |19 February 2026

Sesel i ganny en nouvo santener

Sesel in ganny en nouvo santener. Sa i madanm Fulgencia Agripine ki ti selebre son laniverser 100-an dan en pti seremoni avek son bann pros kot son lakour yer.

Sa rezidan Kan Tobruk, Forêt Noire dan distrik Mont Fleuri i premye dimoun ki selebre 100-an pour sa lannen. I zwenn avek sa 14 santener madanm dan pei ki’n ariv sa laz e plis, apre ki le sel zonm santener, Willy Theresine, ki ti osi en zabitan Mont Fleuri, ti mor an Oktob lannen pase a laz 101-an.  

Dan sesyon Lasanble Nasyonal yer bomaten, manm elekte distrik Mont Fleuri,  Onorab Michel Roucou, ti partaz swe meyer ve pour madanm Fulgencia Agripine.

“Nou swete ki Bondye i donn li plis lafors ek kouraz e tou le meyer ve,” i ti dir.

Seychelles NATION napa portre Madanm Agripine akoz fanmiy pa’n oule okenn piblisite pour sa lokazyon.

Nou lekip i swet madanm Agripine bonn sante ek prosperite.