Kominike Lapolis |02 March 2026
Kominike Lapolis
Lensidan bato Eden Island
En garson 10-an avek nasyonalite Italyen ti admit Lopital Sesel Sanmdi bomaten an rezilta en lensidan bato son granmaten dan rezyon Eden Island.
Patron sa bato prive, en zonm 29-an sorti Anse Royale, in ganny arete e pe ganny detenir an koneksyon avek sa lensidan.
Dapre rapor inisyal ki lapolis in ranmase, sa bato ti’n sorti lo zil Ste Anne pour vin Eden Island letan ki sa lensidan ti arive, kot i ti al rann lapel dan ros. Lapolis ti ganny alerte lo sa lensidan ver 6er 35 bomaten e en lanket detaye in konmanse dan sa enn ka.
Aksidan larout Bois De Rose
De transpor ti fer kolizyon lo semen Bois de Rose Vandredi swar.
An rezilta sa, en zenn-onm 19-an sorti Port Glaud ti ganny admit dan younit swen entansif Lopital Sesel e son kondisyon ti ganny dekrir konman kritik. Sa viktim ti’n pri dan transpor ki ti’n konmans pran dife.
En zonm 35-an sorti Les Canelles li ti admit lo ward e son kondisyon ti stab tandiski en lot endividi ti ganny trete apre plitar ganny large Vandredi swar menm.
Lazans Servis Tenny Dife ek Sovtaz ti bezwen entervenir pour lasistans. Lapolis in konmans en lanket detaye dan sa ka.