Mary-Anne Cesar i selebre 100-an |09 March 2026
Mary-Anne Cesar i selebre 100-an
Sesel in semenn pase ganny li en nouvo santener. Sa i madanm Mary Anne Cesar ki ti selebre son 100-an le 4 Mars kot son rezidans Anse Royale dan prezans son bann zanfan, pti zanfan, aryer pti zanfan, lezot manm fanmir ek zanmi.
Parey i leka pour tou bann santener oparavan, i ti resevwar en kado ek kart sorti kot Prezidan Patrick Herminie prezante par sekreter prensipal pour Gouvernman Lokal ek Servis Kominoter, Vicky van der Westhuizen, ek direkter zeneral Zafer Kominoter dan sa minister, Doris Kiwale.
Ti osi annan kado sorti kot Minis Zafer Sosyal, Lafanmir ek Egalite, Pamela Charlette, ki ti pe ganny reprezante par direkter Marco Gerry. Osi prezan ti manm elekte pour Anse Royale, Onorab Sylvanne Lemiel, ki ti prezant Madanm Cesar avek kado ek en bouke fler, tandiski ladministrater distrik, Cynthia Harribah, ti prezant en pannyen kado.
En kontribisyon