Mesaz Msye Peter Sinon, Sekreter zeneral / prezidan par enterim parti One Sesel pour Lafet Travayer |30 April 2022

«Travay pli efikas e pli prodiktiv pour ki nou Sesel i reste touzour dan lanmen Seselwa»

«Dirizan e siporter parti ‘One Seychelles’ i felisit tou travayer Sesel pour progre e devlopman ki’n ganny realize dan nou pei pour plizyer lannen.

«Fas a sa pandemik danzere ki nou ankor pe eksperyanse e dan sa letan difisil ekonomikman, i neseser ki tou travayer Seselwa i debout solider e disiplinen pour nou ansanm konbat sa menas e sirmont tou bann defi konman ‘En sel Sesel’. One Seychelles i salye sa konportman nob.

«Dan le fitir, i enportan pour nou fer sir ki nou travay pli efikas e nou pli prodiktiv pour ki nou Sesel i reste touzour dan lanmen Seselwa. 

«One Seychelles i swet tou travayer Sesel bokou kouraz e en bon lafet Travayer.»

One Seychelles

En sel Sesel

“Pou tou Seselwa”