En Vandredi agreab kot bibliotek Grand Anse Praslin |14 June 2025
Bibliotek dan distrik Grand Anse Praslin ki ordinerman trankil ti yer annan en latmosfer diferan. En group zanfan sorti dan reading club lekol Grand Anse primer, ki sitie zis akote, ti pe byen anmize atraver en seri aktivite edikasyonnel kot sa bibliotek. Sa aktivite ti’n organize par departman zafer sosyal an kolaborasyon avek en koup ki'n viv bokou lannen Canada – Mark ek Christine Mason.
Direktris servis sosyal, Beryl Laboudallon, ti fer resorti ki bi sete pour fer en aktivite memorab pour bann zanfan Praslin, pour mark lafet zanfan ki’n selebre resaman. I pa zanmen tro tar pour fer en pti aktivite pour sa lokazyon e anmenn en souriy lo zot figir e pour fer zot mazinen ki zot pa tousel.
“Nou'n santi ki bibliotek i en pti pe izole e pa byen frekante, e alors avek Msye ek Madanm Mason nou’n deside pour fer en aktivite ansanm, vi ki zot ti apros nou pour regarde ki mannyer zot kapab ede sirtou avek lafanmiy e bann zanfan dan lakominote e se sa ki nou’n fer sa kolaborasyon,” Manmzel Laboudallon ti eksplike. I fer resorti ki in en aktivite avek en diferans e ki zot swete kontinyen fer.
To continue reading, please click here to subscribe to Seychelles NATION’s e copy