Bal Asosye i ferm rido lo 28enm Festival Kreol |02 November 2013

Parey sak lannen, Bal Asosye pa’n ganny oubliye lo progranm sa 28enm Festival Kreol.

Le 31 Oktob sak lannen in vin en randevou annyel pour bann ki fidel avek sa levennman ki deroul kot Lenstiti Kreol.
Bann kavalye ek danm ti pe valse dan sa gran lasal Lenstiti Kreol depi byen boner dan lasware.
Tou ti termin 6er bomaten letan rido ti tonbe pour ferm sa lasemenn kreol.

Zis minwi sa bon lasoup kreol ti ganny servi avek bann envite e pandan lasware ti osi annan diferan manzay kreol ki ti pe ganny partaze.

Nou portre tire par fotografer Louis Toussaint i montre en pe lanbyans kot Bal Asosye Lenstiti Kreol Zedi swar.