Let pour Editer - Lekel ki kapab ed li? |15 February 2018

Bonzour, mon pe anvoy zot en portre sa vye lakaz tou kase ki dan vye zarden zanfan.  Lendi semenn pase, mon ti vwar, ater, dan sa bann salte ankor pli terib en zenn onm 23-an, ater, apenn si i ti kapab bouze.  Erezman ti annan en madanm pa tro lwen ki ti apel lapolis e answit lapolis ti vin avek lanbilans.  Zot ti anmenn sa garson avek zot lo en brankar.  Mon ti konpletman ebete.  En vre katastrof.  Me sa ki pli grav, se ki son Merkredi e osi Vandredi (touzour semenn pase) mon’n vwar sa menm garson dan sa menm landrwa.  Safwasi lo son de lazanm… me dezespere akoz i ti napa en landrwa reste.  Pa mwan ki ti kapab ed li, mon en vye tantin san konnesans lo sa kalite led ki fodre aporte avek sa bann zenn dezespere e probableman adikt.  Me lekel ki pou ed li ?  E akoz zot ti larg li san en solisyon pour son lavenir?  An plis, mon ti realize ki sa garson i sertennman pa bet, me san en vre soutyen. Avek ki fodre demann en vre led, silvouple ? 

Colette Gillieaux