Kominike Lapolis |24 August 2018

En zonm ki reste Sweet Escott, Anse Royale in ganny anmenn ankour an koneksyon avek lofans koz dimal grav son prosen.

Sa zonm ti ganny arete Merkredi swar apre ki i ti’n bles son ansyen madanm avek en lars lo son 2 kote lipye.

Sa lensidan ti’n kapab trazik si sa madanm pa ti’n ganny sans atrap lars letan ki son ansyen mari ti pe esey bles li dan son latet e si 2 zonm ki ti dan zanmerant pa ti’n entervenir pour anpes sa madanm ganny plis dimal.

Rapor sa lensidan, ki ti ariv Sweet Escott letan ki sa madanm ki reste Pointe Au Sel ti pe al legliz, ti ganny fer avek lapolis ver 4:15 apremidi.

Sa sispe, ki ti ganny anmenn ankour Zedi sa semen, in ganny rimann ziska le 29 Out, zour ki i pou repas ankour.

Antretan lapolis i kontinyen avek zot lanket.

Dan en lot ka, 2 zonm in ganny sarze devan Lakour Mazistra yer pour lofans kas batiman e vole kot 2 laboutik Les Canelles le 19 Out.

Lakour sepandan in larg sa 2 akize lo serten kondisyon.