Pasyan Sant Wellness i glorifye Bondye |14 October 2013

Ti en moman lazwa ek lafyerte pour bann ki ti pe partisip dan en servis spesyal kot legliz Pentecostal Assembly yer bomaten, pour vwar bann kliyan sant Wellness Les Canelles anim lanmes.

Sa servis spesyal ki ti pe deroul anba tenm gratitid ek remersiman, ti pe remersye Bondye pour tou keksoz ki sa sant e bann pasyan in kapab arive fer ziska prezan.

Atraver sa servis, bann pasyan sa sant ti pe osi montre gratitid anver Bondye pour gidans pour ed zot arive retourn lo sa bon semen dan zot lavi.

Bann sanson tel ki I’m trading my sorrows ti anmenn bokou lemosyon parmi kongregasyon atraver zot bann parol.

Sa servis ti kontinyen avek lapriyer ek sanson ki ti pe glorifye non Bondye, rann li glwar e pe remersye li pour tou sa ki i fer.

Ti osi annan bann temwanyaz, prezantasyon e pti pyes pandan sa servis.

Sa servis spesyal ti atir en gran nonm dimoun