Konsern konsomater |10 December 2004

Bokou konsomater sa lannen in eksprim zot konsern vizavi sa ki annan a zot dispozisyon pour aste. Bokou zot i konsernnen par le fe ki napa bokou pour aste.

Me enn bann aktivite kiín organize resaman e kiín prezant konsomater avek en varyete alternativ pour zot kado nwel ek lannen i lafwar SEnPA ki ti organize resaman.

Sa fwasi ti ranpli avek plizyer lobze lokal, ki ideal pour sa peryod festivite. An plis bann antreprener ti la prezan e ti pe menm pran order bann kliyan, dapre zot gou, grander e kantite, enn bann rar moman kot konsomater i kapab enterakte avek bann prodikter e menm kre zot prop lenvansyon.

An menm tan i ti osi en moman pour konsomater dekouver bann antrepriz e menm ganny lide pour vin en antreprener zot menm, en parti enportan dan devlopman soutenab lekonomi pei.