Follow us on:

Facebook Twitter LinkedIn YouTube

Archive - Archive 2004 - July 2013

Zabitan Glacis pou benefisye avek konstriksyon 18 nouvo younit lakaz |11 July 2005

Zabitan Glacis pou benefisye avek konstriksyon 18 nouvo younit lakaz

Serten parmi sa bann younit ki pe konstrir Carana, Glacis

Atraver sa proze ki ti konmanse an Septanm lannen pase, 18 fanmiy i ekspekte benefisye avek sa 16 younit 3 lasanm ek 2 younit 2 lasanm.

Sa proze, ki pe kout anviron R5 milyon, ti pou konplete an Septanm sa lannen me lefe ki in annan serten retar proze pou aprezan konplete an Avril lannen prosenn.

Antretan Minis pour Litilizasyon Later ek Labita, Joel Morgan, ki ti vizit sa sit semenn pase, ti dir ki i tre dezapwente avek fason ki travay konstriksyon pe ale.

Minis Morgan in osi eksprim dezapwentman lo kalite travay ki'n fer lo sa proze e dir ki i annan serten keksoz ki bezwen ganny amelyore pour rann sa proze pli agreab.

Minis Morgan ti ganny akonpannyen lo sa vizit par bann enzennyer ek lezot zofisye son  minister.

Se Roucou Construction ki pe antreprann travay konstriksyon lo sa proze.

Antretan sa minister pe osi get dan posibilite pour konstrir ankor younit lo sa sit pour kapab kontinyelman redwir lalis bann dimoun ki pe esper en lakaz dan distrik Glacis.

 


 

» Back to Archive