Dezyenm deteni sove i ganny ratrape, en lot i sove |29 December 2005

Andoise, ki ti pe rimann Ile Longue lo sarz vol kont touris, ti sove ansanm avek en lot son koleg rimann, Elvis Cesar, an arivan kot baz Prizon Inter-island Quay le 12 Desanm.

Sa de deteni rimann ti'n desann Mahe pour war dokter letan zot ti profite pour sove.

Cesar, ki ti pe rimann lo sarz labi seksyel, ti ganny ratrape dan distrik Rivière Anglaise le 19 Desanm.

Apard ki sa sarz ki deza annan kont Andoise ek Cesar, tou le de pe osi aprezan fer fas avek sarz sove anba detansyon legal.

Antretan lapolis in osi raporte ki en lot zenn-onm, Roddy Marie alias Ti Menn, in sove anba detansyon legal semenn pase letan i ti kot lakour.

Marie, ki sorti Rochon, i ankor touzour deor e lapolis pe demann manm piblik pour vin devan si zot annan okenn lenformasyon ki kapab ede pour ratrap sa deteni sove.