Nouvo siny trafik kot Orion Mall |21 March 2006

Transpor ki antre kot sa batiman ouswa dan sa car park pa devret retourn lo menm semen pour zot sorti. Annefe, zot devret fer letour sa batiman konpletman pour zot resorti dan menm larantre ki zot in servi pour antre.

Parey dan portre i montre, sa fles oubyen arrow lo poto sa batiman i endik direksyon ki transpor i devret pran ler zot antre dan sa landrwa. Pour retourn lo grannrout, transpor i devret fer letour batiman konpletman e sorti kot i annan sa siny "NO ENTRY" lo miray.

Seksyon Trafik pe demann motoris an zeneral pour respekte sa bann siny e azir an konformite avek lalwa trafik.