Orevwar Festival Kreol 2006 |02 November 2006

Apre en semenn festivite, rido in anfen tonbe lo Festival Kreol 2006. Parey in leka dan bann lannen oparavan, Bal Bobes i sa aktivite ki ofisyelman termin sa festival e sa lannen i pa'n en leksepsyon. Parey nou portre i montre, en gran nonm dimoun ti ralye kot Lenstiti Kreol Mardi 31 Oktob aswar pour dir orevwar Festival Kreol 2006 e donn randevou pour 22enm edisyon sa gran manifestasyon kiltirel lannen prosenn.