Lapolis i perdi en zofisye |24 January 2008

Lanmes fineb ti fer yer apremidi legliz St Pierre ek St Paul Port Glaud e answit lekor ti anter dan simityer laparwas.
Lenns-Kaporal Pierre Alex Marcel ti mor Sanmdi le 19 Zanvye apre ki in pas 25 zour dan ICU apre ki transpor ki i ti pe dray ti fer aksidan Mont Fleuri. 

Lenns-Kaporal Marcel, ki ti en zofisye CID, ti zwenn Fire Brigade an Me 1989 e an 1993 i ti ganny transfer Tracking Station avan zwenn lapolis regilye an Oktob 1996.

Ne le 11 Zen 1969, Lenns-Kaporal Marcel, ki’n ganny dekri par son bann siperyer konman en zonm avek bon karakter, poli, obeisan e touzour pare pour rann servis, i kit deryer son madanm Monica, son fiy Tyra, son garson Marius ek en garson sonnyen Rondy.