Kominike lapolis-Resers pou retrouv Pat Micock ek Jimmy Morel i kontinnyen |24 July 2008

Percy Samson sorti Petit Paris, en 3 yenm zonm ki ti abor menm bato in ganny large apre 1 zour fer lopital.
Dapre Samson zot ti pe lapes an deor zil St Anne ver 8er diswar letan zot bato ti komans fer delo an gran e deswit pran fon alor zot ti deside pou abandonn bato.  Parmi sa 3 zonm zis li Percy ki’n ganny sans ariv ater, Ans Norde yer bomaten.

Sa bato plezir ki Pat ek Jimmy ti ladan ansanm avek Percy ti ganny rekipere par gard lakot Sesel yer an deor lapwent Nor e in ganny met ater kot baz gard lakot yer.

Sa bato ki ekipe avek en sistenm GPS avanse e ki son propriyeter i en nonmen Mike Gappy ki reste Petit Paris i ankor dan ase bon leta.  Letan i ti ganny met ater bomaten ladan ti annan 5 dyelikann bennzin, 3 vid, 1 demi vid ek en vid.  Ti osi annan 14 zile sovtaz, flez, bwat ‘first aid’ ek en gran roulo lakord plastik ble.

Lapolis i pe kontiny son lanket dan sa ka anmezir ki resers pou retrouv Pat ek Jimmy i kontinyen.