23enm Festival Kreol..-En moman detant dan Selebo Wayerles ek Dimans Kreol Borlanmer |28 October 2008

Sa se akoz sa aktivite ti pe deroul dan de landrwa anmenmtan – Beau Vallon ek Anse Royale.

Beau Vallon, sa aktivite ti’n ganny batize Selebo Wayerles e i ti konmans tar dan lannwit Sanmdi e kontinyen ziska granmaten e toudilon lazournen Dimans lo lans Beau Vallon.

Depi minwi Sanmdi pour vin Dimans, en gran lafoul ti rasanble Beau Vallon dan en sware moutya ziska granmaten Dimans. Sa aktivite ti apre transform an en lazournen kreol borlanmer tou dilon lazournen Dimans kot manm piblik ti kapab apresye en varyete divertisman ek manze.

Anse Royale, aktivite ti deroul toudilon lazournen Dimans.

Minis pour Devlopman Kominoter, Lazenes, Spor ek Kiltir Vincent Meriton, ki osi tyermenn Komite Festival Kreol, ti osi pas en pe letan kot sa de aktivite.