Taxation E-Service Gateway |27 August 2010

Ki mannyer pour ganny akse avek Taks E-service Gateway?

Pour ganny akse avek taks e-service, ou bezwen vin enskrir pour ganny en e-ID kot Komisyon Reveni. La ou ava ganny en password osi byen ki en ‘kod akse’.

Ki mannyer ou fer laplikasyon pour ganny en e-ID?

Pour anrezistre pour ganny en e-ID, vizit biro Konsey Komisyon Reveni dan Oceangate House lasanm nimero 2. Anmenn avek ou, ou kart idantite e en let lotorizasyon sinyen swa par:
• Propriyeter sa lorganizasyon si ou lorganizasyon i dan sekter prive; oubyen
• Sef an sarz sa lorganizasyon si ou lorganizasyon i dan sekter piblik.
Deswit apre ki ou’n anrezistre, nou zofisye pou donn ou en kopi ki annan detay ou lanrezistreman. En kopi pou osi ganny anvoye lo sa ladres e-mail ki ou ava donn nou zofisye.

Ki mannyer pour konekte avek ‘E-service Gateway’?

Pour konekte avek ‘E-Service Gateway’ ou bezwen al lo sit ‘web’ Komisyon Reveni (www.src.gov.sc) e apiy lo ‘Taxation E-Service – E Service Gateway’. Answit ou bezwen swiv bann lenstriksyon swivan:

1. Apiy lo ‘register as an organization’
2. Fer antre ‘e-ID’ ou lorganizasyon ek ‘password’ ki nou zofisye ti donn ou letan ou ti anrezistre
3. Fer antre ou ‘kod akse personnel’
4. Answit apiy lo ‘Sign in’
Premye fwa ki ou konekte avek ‘E-Service Gateway’ ou pou ganny demande pour sanz ‘password’ ou lorganizasyon e fourni en kestyon sekirite e en larepons. Answit ou pou bezwen konplet sa form ki annan detay sekirite. Apre ki ou’n fini fer sa bann prosedir sekirite apiy lo ‘save’ e en e-mail pou gany anvoye lo sa ladres ‘e-mail’ ki ou ti fourni nou zofiye letan ou ti enskrir pour sa servis.

Ki arive apre ki ou’n konekte avek ‘E-Service’?
Apre ki ou’n konekte avek ‘E-Service’, sa paz lo ki i annan kont ou lorganizasyon pou aparet. Ou senpleman bezwen apiy lo ‘taxation e-service’ anba seksyon ‘Available E- service’ e Taks ‘e-service’ pou aparet.

Ki mannyer pour ‘upload’ lenformasyon an servan Tax ‘E-Service’?

Pour ‘upload’ lenformasyon al lo paz ‘taxation e-service’ e apiy lo ‘e-file’ anba seksyon ‘Do it online’.
Pour ‘upload’ en nouvo dokiman tax, ‘download’ en model saler dan “Resources Link” e apiy lo ‘upload icon’. Answit swiv bann lenstriksyon anba seksyon ‘User Guide’.
Apre ki ou’n termin ou tranzaksyon al lo ou kote drwat anler dan kwen paz apiy lo ‘log out’.

Ki lezot fason ki i annan pour soumet ‘payroll’ en lorganizasyon?

Ou osi kapab soumet en kopi ‘payroll’ dan sa bann fason swivan:
• Lo en ‘pen drive’ ki ou ava delivre kot Komisyon Reveni; oubyen
• Par ‘e-email’ lo sa ladres swivan: commissioner@src.gov.sc; oubyen
• Par raport kot SRC e demann lasistans pour konplet ou ‘payroll’ dan format ki ganny demande e remet avek Komisyon Reveni.

Pour plis lenformasyon

Pour plis lenformasyon vizit nou sant konsey Oceangate House lasanm nimero 2 oubyen kontakte nou lo nimero telefonn 293741.

En kontribisyon Konsey Komisyon Reveni