Distrik Takamaka i pran kiltir aker |22 May 2014

 

Takamaka in lans son komite kiltirel dan en aktivite ki ti fer Sanmdi dan sant sa distrik.

Bi sa komite se pour promouvwar kiltir lo nivo distrik e lo nivo nasyonal.

Sa komite i annan 11 manm e Michel Savy i son tyermenn.

La plipar manm lo sa komite i bann artis profesyonnel.

Sa lansman ti ganny organize ansanm avek aktivite ki sa distrik i fer toulezan pour demontre bann diferan pla ki ganny fer avek koko ek papay.

Sa komite i ankor pe travay lo en plandaksyon pour sa lannen e zot pa ankor desid lo zot premye levennman.

Antretan zot pou al dan lekol kot zot pou ede promouvwar kiltir parmi bann zanfan lekol.