En zenn garson in ganny trouve mor Mont Buxton |20 May 2017

Lapolis in raporte ki en zenn garson 13-an ki’n ganny idantifye konman Dylan Rose, in ganny trouve mor dan en lakaz abandonnen dan distrik Mont Buxton yer bomaten.

Sa lakaz i ganny trouve dan zanmerant bann nouvo flat konstrir dan sa distrik.

Ti ver 7.30 bomatne ki lapolis ti ganny enformen lo sa lensidan.

Dapre lenformasyon, resaman sa garson ti pe reste avek son manman Union Vale.

Lekor Dylan i lakaz mor antretan ki lapolis pe fer lanket pour etabli sirkonstans annatandan rezilta letopsi pour konn lakoz lanmor Dylan.